ऐनको दफा २५ बमोजिम नेपाल सरकार उपर परेको नालिस उजुरका सम्बन्धमा अदालतबाट इतलायनामा वा सूचना सरोकारवाला सरकारी वकीलले पाउनासाथ निजले प्राप्त फिरादपत्र उजुरी निवेदनपत्र र अन्य संलग्न कागजात सम्बन्धित अधिकृत वा कार्यालयमा तुरुन्त पठाई दिनु पर्छ । त्यस्तो नालिस उजुर दुई वा दुईभन्दा बढी अधिकृतहरुको कामलाई लिएर गरिएकोमा उक्त कागजात ती अधिकृतमध्ये मुख्य भई काम गर्ने अधिकृत छेउ पठाउनु पर्छ ।